Мектебімізде "Екі Жұлдыз" сайысы жоғары деңгейде өтті

Мектебімізде "Біртұтас тәрбие" бағдарламасын іске асыру жоспары негізінде "Екі Жұлдыз" сайысы ұйымдастырылды. Бұл сайыстың негізгі мақсаты – ұстаз бен оқушы, ата-ана мен оқушы арасындағы шығармашылық байланыс пен ынтымақтастықты нығайту, өнерге деген қызығушылықтарын арттыру.
Сайысқа мектеп мұғалімдері, ата-аналар мен оқушылар белсене қатысып, өз өнерлерін ортаға салды. Ән айту, би билеу, сахналық қойылымдар көрсету секілді түрлі өнер түрлері ұсынылып, көрермендерге ерекше көңіл-күй сыйлады.
Шараның әділқазылар алқасы ретінде мәдениет қызметкерлері төрелік етіп, қатысушылардың өнерін әділ бағалады. Сайыс жоғары деңгейде өтіп, көрермендердің ыстық ықыласына бөленді.
Жарыс қорытындысы бойынша барлық қатысушыларға алғыс хаттар табысталып, үздік өнер көрсеткендерге сый-сияпаттар берілді. Бұл іс-шара мектеп өміріндегі жарқын оқиғалардың бірі болып, қатысушыларға ұмытылмас әсер қалдырды.
Осындай тәрбиелік мәні зор іс-шаралар алдағы уақытта да жалғасын табады деп сенеміз!